Azərbaycan Respublikası Elm və Təhsil Nazirliyi N.Tusi adına Şamaxı Astrofizika Rəsədxanasının (ŞAR) rəhbərliyi və ŞAR Həmkarlar İttifaqı Təşkilatının (HİT) birgə təşkilatçılığı ilə Şamaxı rayonunda olan şəhid ailələri ziyarət edilib.

30 ilə yaxın bir müddətdə düşmən tapdağı altında olan tarixi torpaqlarımızın - Qarabağın işğaldan azad edilməsi uğrunda gedən döyüşlər zamanı şəhidlik zirvəsinə ucalan Vətən müharibəsi şəhidlərinin ailələrinə mənəvi dəstək olmaq üçün Rəsədxana rəhbərliyi ilə ŞAR HİT nümayəndələri tərəfindən şəhid ailələrinə baş çəkilib, onlara ərzaq yardımı göstərilib.

Qeyd edək ki, ziyarət zamanı şəhidlərin ailə üzvləri ilə söhbət aparılaraq şəhidlərimizin qanının yerdə qalmadığı və düşmənə layiqli cavab verildiyi vurğulanıb. Bildirilib ki, rəşadətli Azərbaycan Ordusu düşmənin qorxulu yuxusu, xalqımızın isə qürur mənbəyidir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.