Kosmik hava durumu – Hesabat dövrü ərzində Günəşin fəallığı artmışdır, maksimal sinifli alışma 3869 oblastında baş vermiş X3.3 sinifli alışma olmuşdur. Alışmalara bağlı olaraq II-IV tip radioemissiya və radiosiqnalların ötürülməsində R2-R3 səviyyəli fasilələr və 10 sm-lik dalğa uzunluğunda radioalışmalar qeydə alınmışdır. Günəşin səthində ləkələrin sayı artaraq 14 ləkə qrupunda 198 ləkə müşahidə olunur.  Həftə ərzində Yerə istiqamətlənmiş bir neçə Tac Kütlə Atılmaları (TKA) qeydə alınmışdır.

Enerjisi 2 MeV-dən çox olan elektron seli  normal və orta səviyyədə olmuşdur, 10 MeV-dən çox enerji yüklü proton seli isə X sinif alışmalar səbəbli  26 oktyabrdan yüksələrək S1-S2 səviyyəli proton qasırğaları qeydə alınmışdır və hal-hazırda davam edir.

Hesabat dövründə Günəş küləyinin maksimal sürəti 517 km/san–dək artmışdır. Yer orbitində planetlərarası maqnit sahəsinin maksimal qiyməti 23 nT, radial istiqamətdə isə  -15 nT  olmuşdur.  Hal-hazırda Günəş küləyinin sürəti 565 km/san, planetlərarası maqnit sahəsinin maksimal qiyməti 13 nT, radial istiqamətdə isə  -8 nT təşkil edir.

Hesabat dövründə baş vermiş  24 oktyabrda baş vermiş TKA-nın təsiri ilə  sutkanın ilk saatlarından geomaqnit qasırğası başlmışdır və G2 səviyyəsinə yüksəlmişdir. Hal-hazırda geomaqnit sahəsinin fəallığını ifadə edən Kp indeksi 3-ə bərabərdir və kosmik hava qeyri-sabitdir.

Kosmik hava proqnozu – Proqnoz günlərində (28 oktyabr-03 noyabr) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 75%, X (R3) sinif alışmanın baş verməsi ehtimalı isə 25% təşkil edir.

Enerjisi 2 MeV-dən çox olan elektron selinin TKA-nın və Yüksək Sürətli Tac Dəliyi Axınlarının təsiri ilə 28 oktyabrda yüksəlməsi ehtimalı var. 10 MeV-dən çox enerji yüklü proton selinin isə 30 oktyabradək yüksək səviyyədə qalacağı proqnozlaşdırılır.  

Günəş küləyinin 26 oktyabrda baş vermiş TKA–nın təsiri ilə sürətinin yüksələcəyi gözlənilir. 

Geomaqnit sahəsi – 26 oktyabrda baş vermiş TKA, həmçinin Yüksək Sürətli Tac Dəliyi Axınlarının təsiri ilə geomaqnit qasırğası G1 səviyyəsi ilə 30 oktyabrdək davam edəcək.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.