Kosmik hava durumu – Hesabat dövrü ərzində Günəş fəallığı nisbətən azalaraq, həftə boyunca M və C sinif alışmalar qeydə alınmışdır. Maksimal sinifli alışma 3813 regionunda qeydə alınan M3.3 sinifli alışma olmuşdur. Alışmalara bağlı olaraq II tip radioemissiya və radiosiqnalların ötürülməsində R2 səviyyəli fasilələr və 10 sm-lik dalğa uzunluğunda radioalışmalar qeydə alınmışdır. Günəşin səthində ləkələrin sayı artaraq 11 ləkə qrupunda 176 ləkə müşahidə olunur. Həftə ərzində bir neçə Yerə istiqamətlənmiş Tac Kütlə Atılması (TKA) qeydə alınmışdır.
Enerjisi 2 MeV-dən çox olan elektron seli normal və həyəcanlaşmış səviyyədə (1308 pfu), 10 MeV-dən çox enerji yüklü proton seli isə həftə boyunca S1 səviyyəsi ətrafında olmuşdur. Hal-hazırda proton qasırğası yenidən aktivdir.
Hesabat dövründə Günəş küləyinin maksimal sürəti 585 km/san,Yer orbitində planetlərarası maqnit sahəsinin maksimal qiyməti 26 nT, radial istiqamətdə isə -11 nT olmuşdur. Hal-hazırda Günəş küləyinin sürəti normaldır (377 km/san), planetlərarası maqnit sahəsinin maksimal qiyməti 12 nT, radial istiqamətdə isə 10 nT təşkil edir. Kp indeksi 2-dən çoxdur.
Hesabat dövrü ərzində geomaqnit sahəsi sakit - aktiv səviyyələrdə olmuş, 04 sentyabrda qısamüddətlli isə G1 səviyyəsi və TKA-nın zərbə dalğası nəticəsində 40 nT geomaqnit impulsu qeydə alınmışdır,
Kosmik hava proqnozu – Proqnoz günlərində (09 – 15 sentyabr ) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 55%, X (R3) sinif alışmanın baş verməsi ehtimalı isə 10% təşkil edir.
Enerjisi 2 MeV-dən çox olan elektron selinin normal və orta səviyyədə olacağı, 10 MeV-dən çox enerji yüklü proton selinin isə S1 səviyyəsinə yüksəlməsi ehtimalı var.
Günəş küləyinin 08 sentyabrda baş vermiş TKA-nın və müsbət qütblü Yüksək Sürətli Tac Dəliyi Axınlarının təsiri ilə sürətlənəcəyi gözlənilir.
Geomaqnit sahəsi - TKA və müsbət qütblü Yüksək Sürətli Tac Dəliyi Axınlarının təsiri ilə bu gün axşam saatlarından başlayaraq növbəti günlərdə G1-G2 səviyyəli geomaqnit qasırğası gözlənilir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
