Kosmik hava durumu – Hesabat dövrü ərzində Günəşin fəallığı artaraq həftə ərzində C və M sinif alışmalar baş vermişdir. Maksimal sinifli alışma M2.49 sinifli alışmaolmuşdur. 04 iyulda baş vermiş alışmala nəticəsində II tip radioemissiya qeydə alınmışdır. Günəşin səthindələkələrin sayı azalaraq 6 ləkə qrupunda 90 ləkə qeyd olunur, ləkələr ancaq birqütblü sadə α maqnit strukturuna malikdir. Bu isə o deməkdir ki, proqnoz dövrü ərzində çox güclü alışmaların olması ehtimalı azdır. Ləkələrin aktivliyinin zəifləməsinə baxmayaraq, geoeffektiv Tac dəliyi müşahidə olunur.

Enerjisi 2 MeV-dən çox olan elektron seli 1192 pfu-dək yüksəlmişdir. 10 MeV-dən çox enerji yüklü proton seli isə fon səviyyəsində qalmışdır.

Hesabat dövründə Günəş küləyinin maksimal sürəti 618 km/san,Yer orbitində planetlərarası maqnit sahəsinin maksimal qiyməti 11 nT, radial istiqamətdə isə -9 nT olmuşdur. Hal-hazırda Günəş küləyinin sürəti normaldır (377 km/san), planetlərarası maqnit sahəsinin maksimal qiyməti 4.1 nT, radial istiqamətdə isə  -3.6 nT təşkil edir.

Hesabat dövrü ərzində geomaqnit sahəsi sakit-aktiv səviyyələrdə olmuşdur.Geomaqnit qasırğası baş verməmişdir. Hal-hazırda Kp indeksi 2-yə bərabərdir və kosmik hava sakitdir.

Kosmik hava proqnozu – Proqnoz günlərində (09 – 14 iyul ) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 40%, X (R3) sinif alışmanın baş verməsi ehtimalı isə 5% təşkil edir.

Enerjisi 2 MeV-dən çox olan elektron selinin normal və orta səviyyədə olacağı, 10 MeV-dən çox enerji yüklü proton selinin isə 11 iyulda Tac dəliyinin təsiri ilə səviyyəsinin yüksəlməsi ehtimalı var.  

Günəş küləyinin mənfi qütblü Yüksək Sürətli Tac Dəliyi Axınlarının təsiri ilə sürətinin artacağı gözlənilir.

Geomaqnit sahəsinin mənfi qütblü Yüksək Sürətli Tac Dəliyi Axınlarının təsiri ilə 10-14 iyulda qeyri-stabil və aktiv səviyyələrdə olması gözlənilir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.