Azərbaycan Respublikası Elm və Təhsil Nazirliyi Nəsirəddin Tusi adına Şamaxı Astrofizika Rəsədxanasında (ŞAR) Həmkarlar İttifaqı Təşkilatının (HİT) Ümumi yığıncağı keçirilib.

İclası ŞAR HİT-nın sədri Aynurə Həsənova açaraq tədbir iştirakçılarını salamlayıb və gündəlikdəki məsələləri onların diqqətinə çatdırıb.

Gündəliyə uyğun olaraq ŞAR HİT-nın sədr müavini Orxan Salehli "Kollektiv müqavilə"ni oxuyaraq əməkdaşları mətnlə tanış edib. Çıxışın ardınca mövzu ətrafında disskusiya aparılıb və suallar cavablandırılıb. Müzakirələrdən sonra "Kollektiv müqavilə" yekdilliklə qəbul edilib və əmək kollektivinin qarşısında imzalanaraq təsdiq olunub.

Sonra iclasın Sədri Aynurə Həsənova ŞAR-ın 3 nəfər əməkdaşının –  baş elmi işçi, AMEA-nın müxbir üzvü, professor Əyyub Quliyev, aparıcı elmi işçi, f-r.ü.f.d.,dosent, Bayram Rüstəmov və elmi işçi, f-r.ü.f.d., dosent Fazil İsmayılovun 70 illik yubileyinin olduğunu qeyd edərək, yubliyarları təbrik etmək və yubiley plaketlərini təqdim etmək üçün sözü ŞAR-ın baş direktoru, AMEA-nın müxbir üzrü N.S.Cəlilova verib. Namiq Cəlilov da öz növbəsində, əvvəlcə yubliyarların həyat-yaradıcılığı və elmi fəaliyyətləri barədə danışaraq, onların Astronomiya elminə və ŞAR-a verdikləri töhfələrindən bəhs edib. Sonra isə yubliyarları əmək kollektivi adından təbrik edərək, hədiyyələrini təqdim edib.

Sonda əməkdaşların qarşıdan gələn Qurban Bayramını təbrik etmək üçün rəsədxananın baş direktoru Namiq Cəlilov yenidən kürsüyə dəvət olunub. Namiq Cəlilov əməkdaşları mənəvi birlik və həmrəylik rəmzi olan Qurban Bayramı münasibətilə təbrik edib, onlara işlərində müvəffəqiyyətlər arzulayıb. Təbrik nitqi ilə əməkdaşlara ən səmimi arzu və diləklərini çatdıran N.Cəlilov, əmək kollektivini Bayram süfrəsinə dəvət edərək çıxışını yekunlaşdırıb.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.