Elm və Təhsil Nazirliyinin N.Tusi adına Şamaxı Astrofizika Rəsədxanasında (ŞAR) Bakı Dövlət Universitetinin (BDU) Fizika fakültəsinin IV kurs tələbələrinin istehsalat təcrübəsi başa çatıb.

Təcrübə müddətində tələbələrə dərs planına uyğun olaraq ŞAR-ın Bakı şəhər bölməsində nəzəri biliklər tədris edilib. Nəzəri tədris zamanı tələbələrə rəsədxananın alimləri tərəfindən astronomiyanın prioritet tədqiqat sahələri, Yer-Günəş əlaqələri, Günəş sistemi, kosmologiya, nəzəri astrofizika, ulduzların əsas xarakteristikaları və təkamül mərhələləri, onlarda baş verən proseslər haqqında ümumi məlumatlar verilib.

Nəzəri tədris müddətini başa vurduqdan sonra tələbələr Y.Məmmədəliyev qəsəbəsində praktiki hissə ilə davam ediblər. Burada onlara ŞAR-ın təcrübəli alimləri tərəfindən rəsədxanada aparılan əsas elmi-tədqiqat istiqamətləri, teleskoplar və digər astronomik cihazlar, onların iş prinsipi, spektral və fotometrik müşahidə materiallarının işlənməsi üzrə tədris aparılıb və tələbələr müşahidə prosesi ilə tanış olublar.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.