Kosmik hava durumu – Hesabat dövrü ərzində Günəş fəallığı eyni tempdə davam edərək, M və X sinif alışmalar baş vermişdir. Maksimal sinifli alışma 3664 oblastındakı X8.7 sinifli alışma olmuşdur. Alışmalar nəticəsində R2-R3 səviyyəli radiosiqnalların kəsilməsi, 10 sm dalğa uzunluğunda radioalışmalar və II-IV tip radioemissiya, həmçinin qismən Yerə yönəlmiş Kütlə Atılmaları (TKA) qeydə alınmışdır. Günəş səthində ləkələrin sayı azalaraq 11 ləkə qrupunda 154 ləkə Tac dəlikləri müşahidə olunur.
Enerjisi 2 MeV-dən çox olan elektron selinin maksimal göstəricisi 1496 pfu olmuşdur. 10 MeV-dən çox enerji yüklü proton seli yüksələrək həftə ərzində S1 və S2 səviyyəli radiasiya qasırğaları baş vermişdir.
Hesabat dövründə Günəş küləyinin sürəti artaraq 891 km/san, planetlərarası maqnit sahəsinin maksimal qiyməti Yer orbitində 17 nT, radial istiqamətdə isə -15 nT olmuşdur. Hal-hazırda Günəş küləyinin sürəti normaldır, planetlərarası maqnit sahəsinin maksimal qiyməti 7.93 nT, radial istiqamətdə isə -1.25 nT təşkil edir.
Hesabat dövrü ərzində 16-17 may tarixlərində baş vemiş geomaqnit qasırğaları G2 (orta) səviyyəsinədək yüksəlmişdir.
Kosmik hava proqnozu – Proqnoz günlərində (20-26 may) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 55%, X (R3) sinif alışmanın baş verməsi ehtimalı isə 10% təşkil edir.
Enerjisi 2 MeV-dən çox olan elektron selinin normal və orta səviyyədə olacağı, 10 MeV-dən çox enerji yüklü proton selinin isə S1 səviyyəsinə yüksəlməsi ehtimalı var.
Günəş küləyinin sürətinin 17 mayda baş vermiş TKA təsiri ilə sürətinin artacağı və 22 mayda normala dönəcəyi gözlənilir.
Gözlənilən TKA ilə əlaqədar bu gün G1 (zəif) səviyyəli geomaqnit qasırğası ehtimalı var. Sonra isə geomaqnit sahəsi qeyri-sabit və sakit səviyyələrdə olması gözlənilir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
