Seminara rəhbərlik edən astronomiya elmləri doktoru, dosent Canməmməd Rüstəmov iştirakçıları salamlayıb və onlara məruzənin mövzusu haqqında məlumat verib.

Məruzəçi dissertasiya işinin aktuallığını, elmi yeniliklərini, müdafiəyə çıxarılan əsas müddəaları, işin aprobasiyası və aldığı nəticələri seminar iştirakçılarının diqqətinə çatdırıb. Qeyd edib ki, dissertasiya işində Şamaxı Astrofizika Rəsədxanasında aldığı fotometrik və spektral müşahidə materialından və  əlavə olaraq AAVSO (Amerika Dəyişən Ulduz Müşahidəçiləri Assosiasiyası) fotometrik məlumat bazasından istifadə etmiş və CH Cyg simbiotik ulduzunun fotometrik və spektral parametrlərinin dəyişmələrində mümkün ola biləcək periodlar araşdırmış və alınan nəticələri qeyd etmişdir. Müşahidələrin aparılması və alınan ölçmələr ən müasir cihaz və proqramlarla həyata keçirilmişdir.

Daha sonra rəyçilərə söz verilib, onların təklif və iradları dinlənilib. İddiaçı tərəfindən seminar iştirakçılarının sualları cavablandırılıb və yekun müzakirələrdən sonra dissertasiya işinin müdafiyəyə təqdim olunmasına qərar verilib.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.