Kosmik hava durumu – Hesabat dövrü ərzində Günəş fəallığı daha da artaraq yenidən M və X sinif alışmalar baş vermişdir. Maksimal sinifli alışma 3664 oblastındakı X5.8 sinifli alışma olmuşdur. Alışmalar nəticəsində R2-R3 səviyyəli radiosiqnalların kəsilməsi, 10 sm dalğa uzunluğunda radioalışmalar və II-IV tip radioemissiya, həmçinin Yerə istiqamətlənmiş Tac Kütlə Atılmaları (TKA) qeydə alınmışdır. Günəş səthində 12 ləkə qrupunda 186 ləkə və müşahidə olunur.
Enerjisi 2 MeV-dən çox olan elektron seli normal və orta səviyyədə olmuşdur. 10 MeV-dən çox enerji yüklü proton seli yüksələrək S1 və S2 səviyyəli radiasiya qasırğaları baş vermişdir.
Hesabat dövründə Günəş küləyinin sürəti artaraq 1005 km/san, planetlərarası maqnit sahəsinin maksimal qiyməti Yer orbitində 73 nT, radial istiqamətdə isə -50 nT olmuşdur. Hal-hazırda Günəş küləyinin sürəti 701 km/san, planetlərarası maqnit sahəsinin maksimal qiyməti 9 nT, radial istiqamətdə isə 3 nT təşkil edir.
Hesabat dövrü ərzində 10 may axşam saatlarından TKA-ın Yerə çatması ilə başlayan geomaqnit qasırğası ektremal həddə (G5) çatmışdır. Bu 2003-cü ildən sonra baş vermiş ilk ən güclü geomaqnit qasırğasıdır və 10-13 may tarixlərində geomaqnit sahəsinin aktivliyi davamlı olaraq G3-G4 səviyyələrində olmuşdur. Geomaqnit qasırğası hələ də davam edir. Bu gün 07:06-da maqnetometrlər son G3 (güclü qasırğa) səviyyəsini alıblar.
Kosmik hava proqnozu – Proqnoz günlərində (13-19 may) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 95%, X (R3) sinif alışmanın baş verməsi ehtimalı isə 75% təşkil edir.
Enerjisi 2 MeV-dən çox olan elektron selinin normal və orta səviyyədə olacağı, 10 MeV-dən çox enerji yüklü proton selinin isə 10-12 may tarixlərində 3664 oblastındakı alışmalara bağlı olaraq S1 səviyyəsinə yüksəlməsi ehtimalı var.
Günəş küləyinin sürətinin ardıcıl baş vermiş TKA təsiri ilə bir 14 maydan sonra sürətinin azalacağı gözlənilir. Əlavə olaraq Yüksək Sürətli Tac Dəliyi Axınlarının təsiri də olacaq.
Geomaqnit sahəsinin gözlənilən TKA və əlavə olaraq Yüksək Sürətli Tac Dəliyi Axınlarının təsiri nəticəsində bu gün güclü (G3), sabah isə zəif (G1) geomaqnit qasırğası gözlənilir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
