Kosmik hava durumu – Hesabat dövrü ərzində Günəş fəallığı artmış, həftə ərzində ardıcıl olaraq M və X sinif alışmalar qeyd olunmuşdur. 3663  regionu beta-qamma-delta müxtəlif qütblü maqnit sahəsinə malikdir və alışmaların çox hissəsi bu oblastın payına düşür, maksimal sinifli alışma X4.5 sinifli alışma olmuşdur. Alışmalar nəticəsində R2 və R3 səviyyəli radiosiqnalların kəsilməsi, 10 sm dalğa uzunluğunda radioalışmalar və II-IV tip radioemissiya, həmçinin  qismən Yerə istiqamətlənmiş Tac Kütlə Atılmaları (TKA) qeydə alınmışdır. Günəş ləkələrinin sayı artaraq, 9 ləkə qrupunda 152 ləkə müşahidə olunur.  Şərq limbi ətrafında Tac dəlikləri müşahidə olunur.

Enerjisi 2 MeV-dən çox olan elektron seli normal və orta səviyyədə, 10 MeV-dən çox enerji yüklü proton seli fon səviyyəsidə qalmışdır.

Hesabat dövründə Günəş küləyinin maksimal sürəti 536 km/san, planetlərarası maqnit sahəsinin maksimal qiyməti Yer orbitində 15 nT, radial istiqamətdə isə  -10 nT  olmuşdur.  Hal-hazırda Günəş küləyinin sürəti 437 km/san, planetlərarası maqnit sahəsinin maksimal qiyməti 14.76 nT, radial istiqamətdə isə 4.4 nT təşkil edir.

30 apreldə geomaqnit sahəsinin fəallığı qısa müddətli G1 səviyyəsinədək yülksəlmişdir. Ardıcıl baş vermiş güclü alışmalar və müşaiyət olunan TKA-lar geomaqnit sahəsinin yenidən aktivləşməsinə səbəb olmuş, 02 mayda G3 səviyyəli  geomaqnit qasırğası qeyd olunmuşdur. Dünən isə axşam saatlarıdan başlayan aktivlik G2 səviyyəsinə yüksəlmişdir. Hal-hazırda isə Kp indeksi 2.5-ə bərabərdir.

Kosmik hava proqnozu – Proqnoz günlərində (13-18 may) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 90%, X (R3) sinif alışmanın baş verməsi ehtimalı isə 50% təşkil edir.

Enerjisi 2 MeV-dən çox olan elektron selinin normal və orta səviyyədə olacağı, 10 MeV-dən çox enerji yüklü proton selinin isə baş vermiş alışmalar səbəbli S1 səviyyəsinə yüksəlməsi proqnozlaşdırılır.

Günəş küləyinin sürətinin müsbət qütblü  Yüksək Sürətli Tac dəliyi Axınlarının və TKA-ın təsiri ilə artacağı gözlənilir.

Geomaqnit sahəsinin Yüksək Sürətli Tac dəliyi Axınlarının və TKA-ın təsiri ilə aktivliyin edəcəyi gözlənilir. 05 may tarixində baş vermiş TKA və  Tac Dəliklərinin birgə təsiri nəticəsində 08 may tarixində yenidən G1 səviyyəli geomaqnit qasırğası olması ehtimalı var.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.