Hələ 2016-cı ildə Dolça bürcü istiqamətində aşkar edilən TRAPPİST-1 ulduzu Yerdən 39 işıq ili uzaqlığında yerləşən qırmızı cırtdan ulduzdur. Sistemin ən böyük planeti Yerdən 13 faiz böyükdür. Planetlərdə 1 il dünya ili ilə müqayisədə 15-20 gün təşkil edir. Bir maraqlı fakt da bu planetlərin öz ulduzuna çox yaxın (demək olar ki, 1 a.v məsafədə 7-də yerləşib) yerləşməsidir.
2017-ci ilin fevral ayından etibarən TRAPPİST-1 sistemi bütün dünyada insanların diqqətini cəlb etdi.
Aparılan tədqiqatlar Günəş sistemi xaricində bioloji həyatın aşkar edilməsi üçün böyük ümidlər bəslənən TRAPPİST-1 planet sisteminin xüsusiyyətlərinə aydınlıq gətirdi.
Belə ki, bu tədqiqatların ilk iki ilində, beynəlxalq alimlər qrupu ana sistem ulduzunun xüsusiyyətlərini və bu sistemə daxil olan planetlərin radiuslarını müəyyən edib.
www.astronews.ru saytının məlumatına görə, tədqiqatçılar bütün yeddi planetin əsasən qayalıqlardan ibarət olduğunu, onların kütləsinin təxminən 5 faizinin su olduğunu təsbit ediblər. Müqayisə üçün, okeanlar planetimizin kütləsinin yalnız 0,02 faizini təşkil edir.
Bundan əlavə, alimlərə məlum olan 7 planetin 5-i Uran və Neptun kimi hidrogen və heliumdan ibarət atmosferdən məhrumdur. Alınmış nəticələr TRAPPİST-1 sistemi planetlərinin bir çox cəhətdən Günəş sisteminin daşlı planetlərinə bənzər olduğu fikrini möhkəmləndirir.
Aparılan tədqiqatlar TRAPPİST-1 sistemi planetlərinin (müəyyən geoloji və atmosfer şəraitində) üçündə maye şəklində su olacağını təsdiqləyir. TRAPPİST-1 sistemi planetlərində suyun mövcud kütləsi Günəş kütləsinin yalnız 9 faizini təşkil edir və bu alınan istilik miqdarından asılı olaraq dəyişir.
Qeyd edilən nəticələrə gətirib çıxaran tədqiqatlar hal–hazırda davam etdirilir. Aparılan tədqiqatlar Nature Astronomiya, Astronomiya və Astrofizika jurnallarında dərc edilib.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
