Yanvar ayının 25-də Azərbaycan Milli Elmlər Akademiyası Nəsirəddin Tusi adına Şamaxı Astrofizika Rəsədxanasının (ŞAR) Elmi Şurasının növbəti iclası keçirilib.

İclası  Elmi  Şuranın  sədri,  AMEA-nın  müxbir  üzvü  Namiq  Cəlilov  açaraq,  gündəlikdə  duran  məsələlər  barədə  şura  üzvlərinə  məlumat  verib. O bildirib ki, akademiyada elmi-təşkilati fəaliyyətin optimallaşdırılması ilə bağlı nəzərdə tutulan islahatlara əsasən, rəsədxananın cari ildə və qarşıdakı 5 il ərzində elmi və elmi-təşkilati fəaliyəti, o cümlədən aparılacaq elmi tədqiqatların istiqaməti nəzərdən keçirilərək, yenidən qiymətləndirilməlidir. 

Gündəlikdə olan məsələlərlə bağlı aidiyyatı şəxslərin çıxışları dinlənilib, şöbələrin qarşısına qoyulan mövzular ətrafında geniş müzakirələr aparılıb və müvafiq qərarlar qəbul edilib. 

İclasda AMEA Rəyasət Heyətinin müvafiq qərarına uyğun olaraq, şöbələrin adlarının və məzmununun dəyişməsi, institut əməkdaşlarının şöbələr üzrə, ixtisasları nəzərə alınmaqla yenidən yerləşdirilməsi məsələsinə baxılıb.

Sonda cari məsələlər müzakirə edilib.

Qeyd edək ki, COVID-19 pandemiyası ilə əlaqədar, Respublika ərazisində tətbiq edilən karantin qaydalarına uyğun olaraq, Elmi Şuranın iclası “Zoom” proqramı vasitəsilə onlayn şəkildə keçirilib.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.