Kosmik hava durumu – Hesabat dövrü ərzində Günəşin fəallığı qismən artmışdır və əsasən M sinif alışmalar qeydə alınmışdır. Maksimal sinifli alışma 4493 ləkə regionunda baş vermiş M3.6 sinifli alışma olmuşdur. 4493 və 4494 ləkə regionları  β-γ və β -δ mürəkkəb maqnit quruluşu göstərir. Alışmalara bağlı olaraq radio rabitədə R1 səviyyəli fasilələr, Tac Kütlə Atılmları (TKA) qeydə alınmışdır. Günəşin səthində ləkələrin sayı azalaraq 6 ləkə qrupunda 99  ləkə və cənub qütbü yaxınlığında Tac dəliyi müşahidə olunur.

Hesabat dövrü ərzində enerjisi 2 MeV-dən çox olan elektron seli orta və yüksək səviyyədə olmuş, 1159 pfu-dək yüksəlmişdir. 10 MeV-dən çox enerji yüklü proton seli isə fon səviyyəsində qalmışdır.

Günəş küləyinin maksimal sürəti 749 km/san–dək artmışdır. Yer orbitində planetlərarası maqnit sahəsinin maksimal qiyməti 11 nT, radial istiqamətdə isə -8 nT olmuşdur. Hal-hazırda Günəş küləyinin sürəti normaldır (381 km/san), sıxlığı 2.62 p/sm³, planetlərarası maqnit sahəsinin maksimal qiyməti 4.24 nT, radial istiqamətdə isə -0.14 nT təşkil edir.

Hesabat dövründə Tac Dəliyinin geoeffektiv olması ilə zəif-orta (G1-G2) 23 iyulda səviyyəli geomaqnit qasırğası qeydə alınmışdır. .

Kosmik hava proqnozu – Proqnoz günlərində (27 iyul-02 avqust) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 45%, X (R3) sinif alışmanın baş verməsi ehtimalı isə 10% təşkil edir.

Enerjisi 2 MeV-dən çox olan elektron selinin  Tac Dəliyi Axınlarının təsiri lə yüksələcəyi, 10 MeV-dən çox enerji yüklü proton selinin isə fon səviyyəsində olacağı gözlənilir.

Günəş küləyi sürətinin TKA-ın təsiri ilə  yüksələcəyi gözlənilir. 

Avroraların müşahidə olunması ehtimalı isə yüksək geomaqnit enliklərdə 10–55%, orta  geomaqnit enliklərdə isə 40-5%-dir.

Geomaqnit sahəsi – bu gün TKA -nın təsiri ilə geomaqnit sahəsinin intensivliyi G1 səviyyəsinədək yüksələ bilər.  Aktiv və qeyri-sabit səviyyələr 29 iyula kimi davam edəcək. Həmçinin 26 iyulda 4494 ləkə regionunda qeydə alınmış M3.23 sinifli alışma da TKA ilə müşayiət olunduğundan, onun da təsiri əlavə oluna və yenidən G1 səviyyəsinədək yüksəlmə müşahidə oluna bilər.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.