Aprelin 25-də AMEA N.Tusi adına Şamaxı Astrofizika Rəsədxanasının (ŞAR) Bakı bölməsində Elmi Şuranın növbəti iclası keçirilib.

İclası giriş sözü ilə rəsədxananın direktoru, AMEA-nın müxbir üzvü Namiq Cəlilov açaraq, gündəlikdə duran məsələlər barədə şura üzvlərinə məlumat verib.

Elmi Şuranın iclasında ŞAR-ın əməkdaşları - aparıcı elmi işçi, f.ü.f.d Sabir Əliyevə, aparıcı elmi işçi, f.ü.f.d Pyotr Şustarevə, aparıcı elmi işçi, f.ü.f.d  Larisa Qolubeva və elmi katib, astr.ü.f.d Orxan Xəlilova dosent elmi adının verilməsi, bundan başqa ŞAR-ın “Ulduz atmosferləri fizikası və maqnetizm” şöbəsinin kiçik elmi işçisi Günay Hacıyevanın elmi işçi vəzifəsinə keçirilməsi, ŞAR-a 2017/2018-ci tədris ilində qəbul olunmuş fəlsəfə doktoru hazırlığı üzrə dissertant Zabit Fərziyevin fərdi iş planının təsdiq edilməsi və aparıcı elmi işçi, f.ü.f.d Yanoş Məhərrəmovun Türkiyəyə elmi ezamiyyətinin nəticələri kimi məsələlər müzakirə olunub.

Sonda cari məsələlərə baxılıb.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.